ԵԿՄ անդամները, քաղաքական գործիչներ և միության նախագահ Սասուն Միքայելյանն այցելել են Եռաբլուր զինվորական պանթեոն:
Այցի ժամանակ, անդրադառնալով վերջին շրջանում Ադրբեջանի կողմից կրակոցներին, Միքայելյանը նշել է, որ վերջին օրերին տարբեր ուղղություններով կրակոցներ լինում են:
«Չգիտեմ՝ իրենք դրանով ինչ են ուզում ասել։ Երկրապահները մեծ թվաքանակով տարբեր ուղղություններով կանգնած են։ Եթե ամեն մի հետևից խոսացողի ուշադրություն դարձնեմ, իմ գործը չեմ կարողանա անել։
ԵԿՄ-ն այսօր կանգնած է բանակի կողքին։ Այսօր այդ խոսացողները չգիտեն, թե արևը որտեղից է դուրս գալիս, որտեղից՝ մտնում, իսկ երկրապահը կանգնած է իր տեղում։ Հետագայում ժողովուրդը կհասկանա, թե ինչ է արել ԵԿՄ-ն՝ պետական սահմանների պաշտպանության համար»,- նշել է Միքայլեյանը: