Ռուսաստանի Դաշնության վարչապետ Միխայիլ Միշուստինն աշխատանքային այցով ժամանել է Հայաստան՝ մասնակցելու Եվրասիական միջկառավարական խորհրդի նիստին։ Այս մասին հայտնում են ՌԴ կառավարության մամուլի ծառայությունից։
ՌԴ վարչապետի ինքնաթիռը վայրէջք է կատարել Երևանի «Զվարթնոց» օդանավակայանում, որտեղից նա պետք է ուղևորվի Ծաղկաձոր։
Միշուստինին օդանավակայանում դիմավորել են ՀՀ փոխվարչապետ Մհեր Գրիգորյանը, ՀՀ ԱԳՆ պետական արարողակարգի ծառայության պետ Գագիկ Վանոյանը և Հայաստանում ՌԴ դեսպան Սերգեյ Կոպիրկինը։