Պետք է կատարվեն համակարգային լուրջ փոփոխություններ, և պետք է ապահովվի ամեն քաղաքացու հարմարավետ ու ապահով տեղաշարժը. Տիգրան Ավինյան

Այսօր հասարակական տրանսպորտի համաշխարհային օրն է: Երևանի քաղաքապետի տեղակալ Տիգրան Ավինյանն այս առիթով ֆեյսբուքյան էջում գրել է.

«Այս գրառմամբ կարելի էր անդրադառնալ ոլորտում արդեն տեղի ունեցած որոշ բարեփոխումների, գնված նոր ավտոբուսներին կամ սպասվելիք նոր մետրոյի կայարանին: Սակայն եկեք անկեղծ լինենք. ամեն օր երևանցիները բախվում են լուրջ խնդիրների՝ վայրից վայր տեղափոխվելու ամենատարրական պրոցեսում:

Դեռ պետք է կատարվեն համակարգային լուրջ փոփոխություններ, և պետք է ապահովվի ամեն քաղաքացու հարմարավետ ու ապահով տեղաշարժը, որպեսզի հանգիստ ասենք, որ այսուհետ Երևան քաղաքում տրանսպորտի խնդիրը լուծված է:

Այս առիթով ուզում եմ նաև շնորհակալություն հայտնել Երևան քաղաքի հասարակական տրանսպորտի բոլոր վարորդներին և ոլորտը սպասարկող մասնագետներին նման ծանրաբեռնված պայմաններում իրենց աշխատանքն իրականացնելու համար»:

 

Related posts

Հունիսի 7-ին՝ ժամը 21.00-ին, «Երևանի գինու օրերին» ներկա է եղել շուրջ 12 հազար 300 մարդ․ Նիկոլ Փաշինյան

Լոս Անջելեսում բողոքի ցույցեր են տեղի ունեցել ԱՄՆ ներգաղթի հարցերով ծառայության գործողությունների պատճառով

ՀՀ առաջին նախագահ Լևոն Տեր-Պետրոսյանն այցելել է Մայր Աթոռ Սուրբ Էջմիածին