Ուկրաինան կորցրել է Ռուսաստանի Կուրսկի մարզում օգոստոսյան անսպասելի ներխուժման ընթացքում գրաված տարածքի ավելի քան 40 տոկոսը, այս մասին Reuters-ին հայտնել է ուկրաինացի բարձրաստիճան զինվորական աղբյուրը։
«Առավելագույնը մենք վերահսկում էինք մոտ 1376 քառակուսի կիլոմետր, այժմ, իհարկե, այս տարածքն ավելի փոքր է, հակառակորդը մեծացնում է իր հակահարձակումները», – Reuters-ին ասել է Ուկրաինայի գլխավոր շտաբի ներկայացուցիչը։
Պաշտոնական Մոսկվան չի արձագանքել Կուրսկի մարզում տիրող իրավիճակի վերաբերյալ Reuters-ի հարցերին:
Պատերազմի պայմաններում անկախ աղբյուրներին չի հաջողվում անմիջապես ինքնուրույն ստուգել հակամարտող կողմերի հայտարարությունները։