Ոսկեպարի եկեղեցու խաչը կրկին վերականգնված է:
Այս մասին սոցցանցի իր էջում հայտնել է Ազգային ժողովի «Քաղաքացիական պայմանագիր» խմբակցության պատգամավոր Դավիթ Դանիելյանը:
«Այս պահին այն տեղադրվում է:
Խաչը հանվել էր վերանորոգման նպատակով, սակայն լրագրողների կողմից դիտմամբ մանիպուլացվում էր թեման»,- գրել է պատգամավորը:
Գրառմանը կից՝ Դանիեյանը նաև տեսանյութ է հրապարակել:
Ավելի վաղ մամուլում լուրեր էին շրջանառվել, որ Ոսկեպարի Սուրբ Աստվածածին եկեղեցու գմբեթից խաչը հանվել է: Պատգամավոր Դավիթ Դանիելյանն անդրադարձել էր շահարկումներին՝ տեղեկացնելով, որ եկեղեցու խաչը հանել են փոշեներկման և վերականգնման նպատակով: