Երեքշաբթի օրը Շվեդիայի առափնյա պահպանությունը Nord Stream-ում չորրորդ արտահոսք է հայտնաբերել, հայտնում է Reuters-ը՝ հղում անելով Svenska Dagbladet շվեդական թերթին։
«Արտահոսքերից երկուսը տեղի են ունեցել Շվեդիայի բացառիկ տնտեսական գոտում», – թերթին ասել է առափնյա պահպանության խոսնակ Ջենի Լարսոնը:
Մյուս երկու արտահոսքերը Դանիայի բացառիկ տնտեսական գոտում են։
Երկուշաբթի օրը ռուսական արտահանման երկու գազատարներում միաժամանակ միջադեպեր են տեղի ունեցել։ Օպերատոր ընկերությունը խողովակում ճնշման անկում է արձանագրել, ապա օդից հայտնաբերել գազի չորս արտահոսքի վայրեր։ Հյուսիսային հոսքերից յուրաքանչյուրը բաղկացած է երկու գծից։
Շվեդիայի սեյսմիկ կենտրոնը ստորջրյա հզոր պայթյուններ է գրանցել. Գերմանիայի և Դանիայի իշխանությունները չեն բացառում, որ արտակարգ իրավիճակի պատճառը դիվերսիա է եղել։
Երկու գազատարներն էլ վթարի պահին չեն շահագործվել։ Nord Stream-ը դադարեցվել էր ամռանը պատժամիջոցների տակ գտնվող Siemens-ի ստորաբաժանումների վերանորոգման և պահպանման հետ կապված դժվարությունների պատճառով: Ամբողջությամբ կառուցված «Հյուսիսային հոսք 2»-ը երբեք չի գործարկվել, քանի որ դադարեցրել է խողովակի սերտիֆիկացումը Ուկրաինայում ռուսական հատուկ ռազմական գործողության մեկնարկից հետո: Չնայած պոմպակայման բացակայությանը՝ բոլոր չորս գծերը գազով են լցվել։
Գլխավոր դատախազությունը գործ է հարուցել միջազգային ահաբեկչության փաստով. ՄԱԿ-ում Ռուսաստանի ներկայացուցչի առաջին տեղակալ Դմիտրի Պոլյանսկու խոսքով՝ Անվտանգության խորհուրդը ուրբաթ օրը հրատապ նիստ կանցկացնի՝ կապված դիվերսիաների հետ։