Շիրակի մարզում առաջին դեղաչափ ստացել է 18-ից բարձր ազգաբնակչության 44,7 տոկոսը

Շիրակի մարզպետարանը տեղեկացնում է, որ կորոնավիրուսային վարակի դեմ պատվաստումների ընդգրկվածության ցուցանիշներն ու դրանց ավելացմանը միտված հետագա քայլերն է քննարկել առողջապահության և սոցիալական ապահովության վարչության պետի պարտականությունները կատարող Լեյլի Ասլանյանը առողջության առաջնային պահպանման օղակի բժշկական հաստատությունների ղեկավարների և ՀՀ ԱՆ ՀՎԿԱԿ Շիրակ մասնաճյուղի պատասխանատուների հետ։

Հանձնարարվել է գույքագրել յուրաքանչյուր ընտանեկան բժշկի և թերապևտի մոտ գրանցված 18-ից բարձր ազգաբնակչության ընդգրկվածությունն ու ելնելով այդ ցուցանիշներից մինչև մայիսի 1-ը ապահովել առաջին դեղաչափով պատվաստվածության 50 տոկոս ցուցանիշը։

Նշենք, որ մարզում առաջին դեղաչափ ստացել է 18-ից բարձր ազգաբնակչության 44,7 տոկոսը, երկրորդ՝ 43,8 տոկոսը։ Ընթացքի մեջ է նաև COVID-19-ի դեմ խթանիչ (բուստեր) դեղաչափով պատվաստում իրականացնելու գործընթացը, մինչ օրս պատվաստվել է 1212 քաղաքացի։

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում