Նիկոլ Փաշինյանը՝ ազգային փոքրամասնությունների համայնքներում ֆինանսական ծրագրերի մասին

ՀՀ ԱԺ «Քաղաքացիական պայմանագիր» խմբակցության անդամ, եզդիական համայնքի ներկայացուցիչ Ռուստամ Բաքոյանը ԱԺ-Կառավարություն հարցուպատասխանի ընթացքում ՀՀ վարչապետ Նիկոլ Փաշինյանին հարց ուղղեց, թե Կառավարությունն ինչ ծրագրեր է իրականացնում կամ պատրաստվում իրականացնել ազգային փոքրամասնությունների համայնքներում:

«Ազգային փոքրամասնությունների մեր հարգելի քույրերը և եղբայրները չեն ցանկացել, որ խոշորացում տեղի ունենա՝ դրա մեջ տեսնելով սպառնալիք համայնքի բնականոն կյանքի համար: Սա մենք գիտեինք, որ բերելու է խնդիրների: Այն, որ մյուս համայնքներում խոշորածավալ ծրագրեր են իրականացվում, դրա պատճառը մեկն է՝ խոշորացված համայնքների բյուջեների հնարավորություններն ավելի մեծ են, և նրանք ավելի մեծ սուբվենցիոն ծրագրեր ներկայացնելու հնարավորություն ունեն»,- ասաց Փաշինյանը:

Խնդրի վերաբերյալ լուծումներ գտնելու համար վարչապետն առաջարկեց քննարկել և բանաձև գտնել:

Related posts

Վլադիմիր Զելենսկու նվերը մորը

27 365 քաղաքացի ետ է ստացել 2 միլիարդ 437 միլիոն դրամ սոցիալական կրեդիտ. վարչապետ

Զննությամբ հայտնաբերվել են կանեփի 160 թուփ և կանեփանման զանգվածով տարաներ