Չինական Voyah ընկերությունը ներկայացրել է նոր Voyah Passion S մոդելը, որը բրենդը դիրքավորում է որպես «տեխնոլոգիական ամենագնաց»։ Ընկերությունում նորույթը համեմատել են Ferrari Purosangue-ի հետ։
Չինացի արտադրողները մոդելի համար կիրառել են FUV հապավումը։ Եթե Ferrari-ի դեպքում այն նշանակում է Ferrari Utility Vehicle («Ferrari-ի ունիվերսալ ավտոմեքենա»), ապա Voyah-ում այն մեկնաբանում են որպես Fun Utility Vehicle՝ «զվարճալի ունիվերսալ ավտոմեքենա»։
Մոդելի տեխնոլոգիական հնարավորություններից առանձնանում է տանիքում տեղադրված Huawei-ի 896-գծանի երկալիքային լիդարը, ինչպես նաև Huawei-ի Qiankun ADS 5 խելացի ավտոպիլոտային համակարգը։
Voyah Passion S-ը դասվում է լիաչափ քրոսովերների շարքին և համալրվում է էլեկտրական ուժային համակարգերով։
CarNewsChina-ի տվյալներով՝ նորույթը հասանելի կլինի ինչպես հետևի, այնպես էլ լիաքարշակ տարբերակներով։
Հետևի քարշակով տարբերակում մեկ էլեկտրաշարժիչի հզորությունը կազմում է 402 ձիաուժ, իսկ լիաքարշակ տարբերակում՝ 637 ձիաուժ՝ լրացուցիչ 235 ձիաուժ հզորությամբ էլեկտրաշարժիչի շնորհիվ։
Մոդելը սնուցվում է լիթիում-երկաթ-ֆոսֆատային մարտկոցով, որն աշխատում է 800-վոլտանոց ճարտարապետությամբ։
Voyah-ի ռուսաստանյան գրասենյակի ներկայացուցիչները հայտնել են, որ առայժմ չեն քննարկել նոր Passion S մոդելի հայտնվելը ռուսական շուկայում։