Գերիների վերադարձի հարցով մենք բոլորից շատ շահագրգռված ենք և ամեն ինչ անում ենք՝ օր առաջ արդյունք ունենալու համար, լրագրողների հետ զրույցում անդրադառնալով տեղի ունեցած հանդիպմանը՝ ասել է ԱԱԾ տնօրենը:
Ինչ վերաբերում է անհայտ կորածների ճակատագրին՝ Արմեն Աբազյանի խոսքով՝ նախնական պայմանավորվածություն ունեն ադրբեջանական կողմի հետ՝ առաջիկայում Լեռնային Ղարաբաղում համատեղ որոնողական աշխատանք իրականացնելու:
Ավելի վաղ տեղեկացրել էինք, որ տեղի է ունեցել Հայաստանի և Ադրբեջանի անհայտ կորածների հարցերով զբաղվող հանձնաժողովների ներկայացուցիչների հանդիպում։ Քննարկման ընթացքում կողմերն անդրադարձել են հակամարտության ընթացքում անհայտ կորած անձանց ճակատագրի պարզաբանմանն առնչվող հումանիտար հարցերին։