Սեպտեմբերի 24-ին Արմավիրի մարզի Մյասնիկյան գյուղի մի բնակիչ ոստիկանության Բաղրամյանի բաժնում հաղորդում էր տվել, որ սեպտեմբերի 23-ից 24-ն ընկած ժամանակահատվածում փախցրել են շենքի բակում կայանված իր «ՎԱԶ-2106» մակնիշի մեքենան։
Ոստիկանության օպերատիվ խումբն արձանագրեց, որ մեքենայի դռները բաց են եղել, և այդ հանգամանքից օգտվելով՝ փախցրել են մեքենան։
Իրավապահների անհետաձգելի միջոցառումների շնորհիվ պարզվեց, որ մեքենան փախցրել է 29-ամյա մի գյումրեցի, որը մեքենայով ընթացել էր դեպի Գյումրի։
Նույն օրը կասկածվողը հայտնաբերվեց Գյումրիում ու, մեքենայով հանդերձ, բերման ենթարկվեց ոստիկանութան Բաղրամյանի բաժին: Նա տվել է խոստովանական բացատրություն։
Մեքենան տեղափոխվել է բաժնի հատուկ պահպանվող տարածք:
Նախապատրաստվում են նյութեր:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: