Վարչապետի պաշտոնակատար Նիկոլ Փաշինյանը, ողջունելով Արարատի մարզի Հովտաշատ համայնքի բնակիչներին, ցանկություն հայտնեց կիսվել ապագայի և ներկայի մասին պատկերացումներով:
«Վերջին 3 տարվա ընթացքում տեղի ունեցած իրադարձությունների պատասխանատուն մենք ենք, բայց շատ կարևոր է, թե ինչ է տեղի ունեցել 2018 թ.-ից հետո»,- ասաց Փաշինյանը:
«Մենք երկրի կառավարման մեկ լիարժեք տարի ենք ունեցել՝ 2019 թվականը: 2019-ին Հայաստանը բոլոր ցուցանիշներով գրավել է աշխարհի ուշադրությունը: Հայաստանը Եվրոպական և Եվրասիական տարածաշրջաններում արձանագրել է ամենաբարձր տնտեսական աճը:
2019-ին բարձրացել են թոշակները, ուսուցիչների, զինվորականների աշխատավարձերը, 2019-ին Հայաստանը ռեկորդային թվով զբոսաշրջիկներ է ընդունել: Բիզնեսը 2019-ին ռեկորդային եկամուտներ է ապահովել: Այդ տարում Հայաստանի Կառավարությունը բիզնեսին է վերադարձրել 60 մլրդ դրամի անհուսալի պարտք: Սա է մեր կառավարման իրական պատկերը»,- ասաց վարչապետի պաշտոնակատարը: