Մենք այս փուլում առաջարկում ենք երկաթուղային կապը բացել մասնավորապես Հորադիզ-Երասխ գծի վրա. Փաշինյան

Այն ընկալումը, որ մեր առաջարկած պայմաններն Ադրբեջանին կարող են ընդունելի չլինել, իրականությանը չի համապատասխանում: Եթե այդ նույն պայմանն ընդունելի է Իրանի Իսլամական Հանրապետության տարածքով անցնելու համար, ինչո՞ւ պետք է ընդունելի չլինի Հայաստանի Հանրապետության տարածքով անցնելու համար: Այդ մասին Ազգային ժողովում լրագրողների հետ ճեպազրույցի ժամանակ ասաց վարչապետ Նիկոլ Փաշինյանը՝ կրկնելով այն առաջարկը, ըստ որի՝ Հայաստանը պատրաստ է Ադրբեջանին ճանապարհ տրամադրել այն պայմաններով, ինչ առաջարկում է Իրանը:

««Խաղաղության խաչմերուկ» նախագծի շրջանակում էլ մենք ֆիքսել ենք, որ պատրաստ ենք ընթացակարգերի պարզեցումների՝ չորս հիմնական սկզբունքների պահպանմամբ՝ տարածքային ամբողջականություն, ինքնիշխանություն, իրավազորություն, փոխադարձություն:

Փոխադարձությունն ինչի՞ համար է, որովհետև մենք այս փուլում առաջարկում ենք երկաթուղային կապը բացել, մասնավորապես՝ Հորադիզ-Երասխ գծի վրա, որտեղ և՛ Ադրբեջանից Ադրբեջան՝ Հայաստանի տարածքով, և՛ Հայաստանից Հայաստան՝ Ադրբեջանի տարածքով կիրականացվեն բեռնափոխադրումներ, և մենք հենց այսօր պատրաստ ենք գնալ այդ լուծումներին»,- ասաց նա:

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում