Գյումրու հայտնի ու անհայտ փողոցների եւ շենքերի ու եկեղեցիների մասին է՝ սեւ ու սպիտակով, բայց յուրահատուկ լույս պարունակող այս ֆոտոցուցահանդեսը։ Համազգային հայ կրթական եւ մշակութային հիմնադրամը, Գյումրու «Կումայրի» պատմամշակութային արգելոց-թանգարանի ցուցասրահում մայիսի 18-ին, թանգարանների միջազգային օրվան նվիրված, ներկայացնում է Մոսկվայի պետական թատերական ինստիտուտի ուսանող Արթուր Մխիթարյանի «Մեծերի քաղաք Գյումրի» խորագրով լուսանկարների ցուցահանդեսը։ Խորհրդանշականն այն է, որ Գյումրիում չապրած ու ստեղծագործողը նկարներով պատմում է Գյումրու ու գյումրեցի մեծերի մասին։