Մահացել է ՀՀ վաստակավոր արտիստ Յուրի Ոսկանյանը

Մահացել է Գյումրու Վ. Աճեմյանի անվան պետական դրամատիկական թատրոնի դերասան, ՀՀ վաստակավոր արտիստ Յուրի Ոսկանյանը։ Այս մասին տեղեկանում ենք թատրոնի Ֆեյսբուքի էջից:
«Մեծ ցավով հայտնում ենք, որ կյանքից հեռացել է Գյումրու Վ.Աճեմյանի անվան պետական դրամատիկական թատրոնի դերասան, ՀՀ վաստակավոր արտիստ Յուրի Վաղարշակի Ոսկանյանը։
Յուրի Ոսկանյանը ծնվել է 1938-ին Լենինականում: 1962-ից ընդգրկվել է թատրոնի ստեղծագործական կազմում և մինչ օրս Գյումրու Վ.Աճեմյանի անվան պետական դրամատիկական թատրոնի դերասան էր։
2003 թ. Յուրի Ոսկանյանը արժանացել է ՀՀ վաստակավոր արտիստի կոչման, իսկ ՀՀ մշակույթի նախարարության կողմից՝ «Ոսկե մեդալի»։
Գյումրու դրամատիկական թատրոնի ողջ հանրույթը ցավակցում է Յուրի Ոսկանյանի հարազատներին և գործընկերներին։
Վերջին հրաժեշտը տեղի կունենա ս/թ դեկտեմբերի 7-ին՝ ժամը 14:00-ին, Գյումրու դրամատիկական թատրոնում»,- ասված է թատրոնի Ֆեյսբուքի գրառման մեջ:

Related posts

Հաճախակի են դառնում դեպքերը, երբ օձերին վնասում են՝ լրջորեն վտանգելով և՛ իրենց, և՛ կենդանիների կյանքը․ ՇՄՆ զգուշացումը

Հրդեհ Առնո Բաբաջանյան փողոցի նորակառույց չբնակեցված շենքերից մեկում

Արման Խաչատրյանը համատեղության կարգով նշանակվել է Մոնակոյում ՀՀ դեսպան