Այսօր կայացել է ՇՄ ձյուդոյի ֆեդերացիայի անդրանիկ ժողովը: Պահը վաղուց էր հասունացել նման կառույց ստեղծելու համար, քանի որ ձյուդոն, հանդիսանալով օլիմպիական մենապայքարային մարզաձեւ, այդուհանդերձ, իր միջազգային արդյունքներով զգալիորեն զիջում է ըմբշամարտին, բռնցքամարտին ու ծանրամարտին, որոնք տարածաշրջանում հարգի մարզաձեւեր են ու կանոնավոր մրցանակներ են արձանագրում միջազգային մրցասպարեզներում: Այս առումով ձյուդոյի նորաստեղծ ֆեդերացիան լրջագույն անելիքներ ունի: Մարզային ֆեդերացիայի նախագահ է ընտրվել Տիգրան Շահբազյանը, իսկ գլխավոր քարտուղար՝ Արտյոմ Գեւորգյանը: