Թեհրանում կայացել է Իրանի ու Հայաստանի արտգործնախարարների համատեղ մամուլի ասուլիսը: Հոսսեյն Ամիր Աբդոլլահիանը հայտարարել է, որ Հայաստանի ու Իրանի հարաբերությունները կառուցողական են և զարգացող:
Վերջին 20 օրվա ընթացքում երկու երկրի արտգործնախարարները հանդիպել են 3 անգամ՝ Դուշանբեում, Նյու Յորքում և Թեհրանում: Նա նշել է, որ քաղաքական հարաբերություններից բացի տնտեսության, զբոսաշրջության, առևտրի ոլորտներում ևս հարաբերություններն ընդլայնելու համաձայնություն է ձեռք բերվել:
«Երկու երկրի հաղորդակցական ուղիների և տարանցիկ ճանապարհների վերականգնման շուրջ ծրագիր ենք մշակել, որն արագ կիրականացվի: Առաջիկա շաբաթներին մենք ավելի շատ ակտիվություն կտեսնենք հարաբերությունների բոլոր հարթություններում: Հրավային Կովկասում սիոնիստների ու ահաբեկիչների ներկայությունը մեզ լրջորեն մտահոգում է:
Բարձրաձայն հայտարարում ենք՝ թույլ չենք տա օտար երկրներն ազդեն Իրանի և իր հարևանների, այդ թվում՝ Հայաստանի հետ հարաբերությունների վրա: Հաշվի առնելով տարածաշրջանային ճգնաժամերը, ինչպես նաև կորոնավիրուսի ճգնաժամի ավարտը, մենք պետք է հայտարարենք, որ մեր տարածաշրջանը առավելապաշտություններ չի հանդուրժելու: Տարածաշրջանի բոլոր երկրները պետք է գան այն համոզման, որ տարածաշրջանի խնդիրները պետք է կարգավորվեն առանց օտարների միջամտության»,- ընդգծել է Իրանի արտգործնախարարը: