ՌԴ առողջապահության նախարար Միխայիլ Մուրաշկոյի կողմից Հայաստան բերված Sputnik V պատվաստանյութի նմուշները կփորձարկվեն կամավորների վրա։ Այս մասին գրում է Ria-ն՝ հղում անելով ՀՀ առողջապահության նախարարության մամուլի քարտուղար Ալինա Նիկողոսյանին:
«Մենք ստացանք փոքր քանակությամբ պատվաստանյութեր: Դրանք պարզապես նմուշներ են: Մի քանի կամավորներ պատվաստանյութը կստանան», – ասել է Նիկողոսյանը:
Նոյեմբերի 21-ին Ռուսաստանի Առողջապահության նախարարության մամուլի ծառայությունը հաղորդեց, որ Երևանում Մուրաշկոն Sputnik V կորոնավիրուսի պատվաստանյութի նմուշները հանձնել է Հայաստանի առողջապահության նախարար Արսեն Թորոսյանին:
Օգոստոսին Ռուսաստանի Առողջապահության նախարարությունը գրանցեց աշխարհում առաջին պատվաստանյութը COVID-19-ի կանխարգելման համար, որը մշակվել է Գամալեյա էլեկտրաքիմիայի հետազոտական կենտրոնի կողմից: Այն ստացել է Sputnik V անվանումը: