Այսօր կայացած մամուլի ասուլիսում ԱՆ հիվանդությունների վերահսկման եւ կանխարգելման ազգային կենտրոնի վարակիչ եւ ոչ վարակիչ հիվանդությունների համաճարակաբանության վարչության պետ Ռոմելլա Աբովյանը Հայաստանում համաճարակային իրավիճակը գնահատեց խիստ լարված եւ հավելեց, որ վարակի վերարտադրողական ցուցանիշը բարձր է 1-ից:
Լրագրողների հետ ճեպազրույցում ՀՀ առողջապահության նախարար Անահիտ Ավանեսյանը հայտարարեց, որ այս պահին բուժում է ստանում կորոնավիրուսով վարակված 901 պացիենտ, 429 պացիենտ գտնվում է ծանր, 96-ը՝ ծայրահեղ ծանր վիճակում, 30-ն էլ միացված են թոքերի օդափոխության սարքերին եւ հավելեց,որ Առողջապահության նախարարությունը եւ Կառավարությունը ամեն ինչ արել են, որ կանխվի հիվանդացության տարածումը: