Փոխվարչապետերի երեկվա հանդիպման մասին ՌԴ կառավարության կայքում տեղադրվել է հաղորդագրություն, քննարկվել է Երասխ-Օրդուբադ-Մեղրի-Հորադիզ երկաթուղու բացման հարցը, չեմ կարող ասել, որ որևէ կոնկրետ արդյունք ունենք։ Այս մասին կառավարության հետ հարցուպատասխանի ժամանակ ասաց վարչապետ Նիկոլ Փաշինյանը։
«Ուզում եմ վերահաստատել, որ ՀՀ-ն պատրաստ է և շահագրգռված է այդ ծրագրի իրականացմանը, մեր առաջարկը շարունակում է մնալ ուժի մեջ։ ՀՀ-ն պատրաստ է օր առաջ սկսել երկաթուղու վերականգնումը։ Ավելորդ է ասել, որ երկաթուղին և ճանապարհները պետք է գործեն ՀՀ օրենսդրության շրջանակներում։ Ցանկացած պահի, երբ այս արձանագրումը կանենք թղթի վրա, պատրաստ կլինենք սկսել աշխատանքները»,- ասաց Փաշինյանը։