Հայաստանը վերափոխում է բանակը Ղարաբաղում ռազմական գործողություններից հետո՝ անցնելով սպառազինության և ռազմական տեխնիկայի նոր համակարգերի, РИА Новости-ին տված հարցազրույցում հայտարարել է Պաշտպանության նախարար Վաղարշակ Հարությունյանը:
«Հայաստանում ռազմական բարեփոխումների անցկացումը ոչ միայն պլանավորված է, այլ արդեն ընթացքի մեջ է, և մեր ռուս գործընկերներն անմիջական մասնակցություն ունեն այդ գործընթացում», – ասել է Հարությունյանը:
Նա նշել է, որ արմատապես կվերանայվեն մարտական և կազմի թվաքանակի օպտիմալացման, զենքի և ռազմական տեխնիկայի նոր համալիրներով և համակարգերով վերազինման հարցերը:
Նրա խոսքով՝ հիմնական ջանքերն ուղղվելու են հրամանատարական կառավարման համակարգերի, հետախուզական տվյալների, ռադիոէլեկտրոնային պատերազմների, ՀՕՊ-ի և անօդաչու ինքնաթիռների, հրթիռային ուժերի և հրետանու զարգացմանը: