Գյումրին ներկայացնող «Հայասա» ու «Գյումրի» թիմերի միջեւ խաղով ավարտվեց կանանց ֆուտբոլի Հայաստանի Բարձրագույն խմբի առաջնությունը: Չեմպիոնական մրցավազքում հավասարը չունեցավ մեկամյա պատմություն ունեցող «Հայասան»: Մրցաշրջանի աշնանային հատվածը լարված ստացվեց: Թիմն ուկրաինացի մասնագետի գլխավորությամբ ոչ-ոքիներ արեց սկզբունքային մրցավեճերում, հետո տեղի ունեցավ մարզչական փոփոխություն: