Կրթության, գիտության, մշակույթի եւ սպորտի նախարարության ենթակայության ներքո գործող Գյումրու համալիր մանկապատանեկան մարզադպրոցի սաները տարբեր խնդիրներ են լուծում: Մարզօջախի ամենատիտղոսակիր սանը՝ գերծանր քաշային Վարազդատ Լալայանը, ազգային հավաքականի կազմում մասնակցում է ուսումնամարզական հավաքին: Նրա անձնական մարզիչ, հանրապետության վաստակավոր մարզիչ Կարեն Կարապետյանը համոզված է, որ Կոլումբիայի մրցահարթակում էլ տաղանդաշատ գյումրեցին կպայքարի ոսկե մեդալի համար: