Կհանձնարարեմ արագ քննարկել ԼՂ-ից բռնի տեղահանված մեր քույրեր-եղբայրների գործերը, որոնց աշխատանքի անցնելուն խոչընդոտում է քաղաքացիությունը. վարչապետ

ՀՀ վարչապետ Նիկոլ Փաշինյանը, արձագանքելով ԼՂ-ից բռնի տեղահանվածներին ՀՀ քաղաքացիության տրամադրման գործընթացին, պատասխանելով մտահոգությանը, որ քաղաքացիության բացակայությունը խոչընդոտ է դառնում հանրային ծառայություններում պաշտոնի անցնելու համար, ասաց.

«Մենք քննարկում ենք ունեցել, ես հանձնարարական եմ տվել, որ մեր քույրեր-եղբայրների քաղաքացիության հարցի լուծումը տեղի ունենա հնարավորինս արագ: Մենք կարող ենք առանձնահատուկ վերաբերմունք ցուցաբերել այն բռնի տեղահանվածների համար, ովքեր արդեն իսկ դիմել են հանրային ծառայություններում պաշտոնների անցնելու համար, որովհետև մյուս դեպքերում քաղաքացիության անհրաժեշտություն չկա»:

Վարչապետը հույս հայտնեց, որ այդ տվյալները կկարողանան արագ հավաքագրել:

«Ես կհանձնարարեմ` այն քաղաքացիները, որ դիմել են hանրային ծառայություններում աշխատանքի անցնելու համար, և խոչընդոտը քաղաքացիությունն է, որ նրանց գործերն ավելի արագ քննարկվեն ու լուծվեն: Նաև հանձնարարում եմ, որ հանրային ծառայություններում աշխատանքի անցնելու համար դիմած մեր քույրերի ու եղբայրների գործերը, արդեն իսկ պայմանավորված արագությունից, արագ լուծում ստանան»,- ասաց նա:

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում