Կարեն Անդրեասյանը իսկական սպառնալիք է իրավական անվտանգության համար, նա դատական իշխանության չարիքն է ու նպատակ է հետապնդում ամբողջապես քանդել դատական իշխանությունը:
Հայտարարել են ԲԴԽ-ի դիմաց ակցիա իրականացնող փաստաբանները։ Նրանք դիմել են վարչապետին, ապա պահանջել ԲԴԽ նախագահ Կարեն Անդրեասյանի հրաժարականը:
«Պարոն վարչապետ, վստահ եմ դուք ամբողջությամբ տեղյակ չեք, թե ԲԴԽ-ն իր նախագահի միջոցով, ինչ մեթոդներով է փորձում, այսպես ասած, մաքրել դատական համակարգը: Իրավունքների ակնհայտ ոտնահարում, որոնք գնահատական են ստանալու Մարդու իրավունքների եվրոպական դատարանի կողմից:
Կարե՛ն Անդրեասյան, քանի դեռ շատ չի խորացել ձեր հանցագործությունների բնույթը, առաջարկում եմ արագ կերպով հրաժարական տալ և ազատել դատական իշխանությունը ձեր ներկայությունից: Մեր ակցիան լինելու է շարունակական, ձեզ տրվում է 10 օր ժամանակ հրաժարական ներկայացնելու, հակառակ դեպքում մենք կանցնենք ավելի լուրջ ակցիաների»,- նշել է փաստաբան Հարություն Հարությունյանը: