Որևէ իշխանություն հավերժ չէ, և երբ պահի հրամայականը կա, այո, պետք է հեռանա: Բայց այս փուլում մենք գերխնդիր ունենք երկրի ներքաղաքական իրավիճակը կայունացնելու, լրագրողների հետ ճեպազրույցում ասաց իմքայլական պատգամավոր Նազելի Բաղդասարյանը:
Հարցին՝ ո՞ր փուլում է պատկերացնում գործող իշխանության հեռանալը, պատգամավորը պատասխանեց.
«Այն փուլում, երբ երկրում կայուն իրավիճակ կլինի, և երկիրը պատրաստ կլինի որևէ եղանակով այդ ամենն անցնցում անցկացնելու»:
Ճշտող հարցին՝ այսինքն կո՞ղմ է արտահերթ խորհրդարանական ընտրություններին, Նազելի Բաղդասարյանը պատասխանեց՝ «ինչ-որ փուլից հետո կարելի է խոսել այդ մասին՝ հաշվի առնելով նաև հասարակական տրամադրությունները»: