Մոսկվայից Սանկտ Պետերբուրգ չվերթի ժամանակ կայծակը հարվածել է Ural Airlines ավիաընկերության ինքնաթիռին։ Այս մասին հինգշաբթի՝ ապրիլի 27-ին, հայտնել է Aviaincident Telegram ալիքը։
Նրա խոսքով՝ դեպքը տեղի է ունեցել երեկ։ Airbus A320-ը Դոմոդեդովոյից թռել է Պուլկովո։ Ինքնաթիռում գտնվող ուղևորներից ոչ ոք չի տուժել։
Աղբյուրի փոխանցմամբ՝ ինքնաթիռի վնասը նկատվել է միայն տեխնիկական աշխատանքների կատարման ժամանակ. փորձագետները թեւերի և ֆյուզելաժի վրա մթնոլորտային էլեկտրաէներգիայի հետքեր են հայտնաբերել։