Ուկրաինայում օտարերկրյա վարձկանները մեծ կորուստներ են կրում: Այս մասին հայտարարել է Չեչնիայի ղեկավար Ռամզան Կադիրովը Telegram-ի իր ալիքում, փոխանցում է «ՌԻԱ Նովոստին»:
«Վարձկանները հազվադեպ են հրապարակում իրենց ձախողումների մասին տեսանյութերը: Իրականում, օտարերկրացիների կորուստները մեծ են, իսկ փրկվածներն ավելի ու ավելի են մտածում այս անիմաստ աշխատանքից դուրս գալու և Ուկրաինայից հեռանալու մասին»,- գրել է նա:
Որպես օրինակ նա բերել է ԱՄՆ-ից վարձկան Ջեյմս Վասկեսին, ով սոցիալական ցանցերում իր գրառումներից մեկում գրել է ծանր կորուստների մասին։ Մասնավորապես, ամերիկացին խոստովանել է, որ անցյալ շաբաթ շատ մարդկանց է կորցրել և ցանկանում է որքան հնարավոր է շուտ տուն վերադառնալ։
Ինչպես հայտնել է ՌԴ ՊՆ-ն, ռուսական ռազմական հատուկ գործողության սկզբում Ուկրաինա է ժամանել մոտ 7000 օտարերկրյա վարձկան՝ հիմնականում Լեհաստանից, Կանադայից և ԱՄՆ-ից։ Այժմ նրանց թիվը 3,2 հազարից մի փոքր ավելի է։