Ոստիկանությունը վաղ առավոտյան Արևշատ համայնքի բնակիչների է ձերբակալել մեկ այլ համայնքում՝ Վերին Դվինում, խուլիգանության կասկածանքով:
Ներքին գործերի նախարարությունից «Հայկական ժամանակ»-ին հայտնեցին, որ խուլիգանության փաստով նախաձեռնված քրեական վարույթի շրջանակում ձերբակալվել են Արևշատ համայնքի բնակիչներ, նույն վարույթի շրջանակում ոստիկաններն իրականացնում են դեպքի հետ առնչություն ունեցող մյուս կողմի մի քանի անձանց ձերբակալություններ Վերին Դվին համայնքում:
Քննչական կոմիտեից էլ մեզ հետ զրույցում փոխանցեցին, որ հաղորդման հիման վրա 2025 թվականի հուլիսի 16-ին նախաձեռնվել է քրեական վարույթը: 4 անձ ձերբակալվել է: