ՀՀ կրթության, գիտության, մշակույթի և սպորտի նախարարության ենթակայությամբ գործող Բարձրագույն կրթության և գիտության կոմիտեում բացահայտվել են խոշոր չարաշահումներ։
Հակակոռուպցիոն կոմիտեից հայտնում են, որ Հակակոռուպցիոն կոմիտեում քննվող քրեական վարույթի շրջանակում ՀՀ ԿԳՄՍՆ Բարձրագույն կրթության և գիտության կոմիտեի երկու պաշտոնյաների մեղադրանքներ են ներկայացվել իշխանական լիազորությունները չարաշահելու և առանձնապես խոշոր չափերով գումարի հափշտակության համար: Երկու պաշտոնյաների նկատմամբ որպես համակցված խափանման միջոցներ կիրառվել են գրավը, բացակայելու արգելքը և պաշտոնավարման կասեցումը։
Iravaban.net-ի տեղեկությունների համաձայն մեղադրյալներից մեկը կոմիտեի գլխավոր հաշվապահն է, չարաշահումների չափը մոտ 200 միլիոն դրամ է։