Իսրայելի ոստիկանությունը ձերբակալել և կալանքի տակ է վերցրել երկրի զինվորական գլխավոր դատախազ Յիֆատ Թոմեր-Յերուշալմինին՝ պաղեստինցի կալանավորի նկատմամբ իսրայելցի զինվորների բռնության տեսագրության արտահոսքի համար։
Թոմեր-Յերուշալմինն ընդունել է, որ հենց ինքն է թույլ տվել տեսագրության արտահոսքը, ինչպես նաև հետագայում ստել է Իսրայելի բարձրագույն դատարանին՝ իր գործողությունները փորձելով թաքցնել։
Հրաժարականի նամակում, որը նա ներկայացրել էր անցած շաբաթ, դատախազը հայտարարել է, որ տեսագրության հրապարակման նպատակն եղել է «զինվորական հետաքննողներին և դատախազներին ուղղված հարձակումները չեզոքացնելը»։
Նրա ձերբակալությունը լուրջ հարցեր է առաջացրել Իսրայելում՝ իրավունքի գերակայության, ինչպես նաև պաղեստինցիների նկատմամբ բռնությունների և դրանց պատասխանատվության հարցում։
Ըստ հաղորդագրությունների՝ Թոմեր-Յերուշալմինը տեսագրությունը հրապարակել էր 2024 թվականի օգոստոսին՝ պաղեստինյան կալանավորների նկատմամբ զինվորականների գործողությունների վերաբերյալ բողոքների ֆոնին՝ հայտարարելով, որ դա եղել է «բանակի իրավապահ կառույցների դեմ տարածվող կեղծ պրոպագանդային հակազդելու փորձ»։