Իսրայելը խորապես ցավում է Գազայի Սուրբ Ընտանիքի եկեղեցու վրա «պատահական արկի» ընկնելու կապակցությամբ: Այդ մասին հայտարարել է երկրի վարչապետ Բենիամին Նեթանյահուն ԱՄՆ նախագահ Դոնալդ Թրամփի հետ հեռախոսազրույցից հետո:
Իսրայելի պաշտպանության բանակում հավաստիացրել են, որ արկի բեկորները սխալմամբ են հայտնվել Գազայի Սուրբ Ընտանիք եկեղեցում: Գազայի միակ կաթոլիկ եկեղեցու վրա արկի ընկնելու հետևանքով զոհվել է 3 մարդ, առնվազն 10-ը վիրավորվել են:
Հռոմի Պապ Լևոն XIV-ը խոր վշտով է ընդունել զոհվածների և վիրավորների մասին լուրը, միաժամանակ նա անհապաղ հրադադարի կոչ է արել և տարածաշրջանում երկխոսության, հաշտեցման և տևական խաղաղության հաստատման հույս հայտնել։
Իտալիայի վարչապետ Ջորջիա Մելոնին և արտաքին գործերի նախարար Անտոնիո Տայանին դատապարտել են Իսրայելի գործողությունները Գազայում և կոչ արել դադարեցնել կրակը։