Թուրքիայի Կարասու նավահանգստի տարածքում կալանվել է հացահատիկով բեռնված ռուսական «Ժիբեկ Ժոլի» նավը, հայտնում է Reuters-ը։
Թուրքիայում Ուկրաինայի դեսպան Վասիլի Բոդնարի խոսքով՝ թուրք քննիչները փորձում են ճշտել հացահատիկի ծագումն ու պարզել՝ արդյոք այն գողացվա՞ծ է։
Ավելի վաղ Ուկրաինայի ԱԳՆ-ն հայտնել էր, որ «Ժիբեկ Ժոլին», որը դուրս է եկել Զապորոժիեի շրջանի Բերդյանսկ նավահանգստից, տեղափոխել է Ուկրաինային պատկանող 4,5 հազար տոննա հացահատիկ։
Настоящее время-ն գրում է, որ կալանված բեռնանավը պատկանում է ղազախական KTZ Express ընկերությանը, սակայն այն վարձակալել է ռուսական Green-Line ընկերությունը։
ՏԱՍՍ-ի աղբյուրը հայտնել է, որ հուլիսի 1-ից բեռնանավը սպասում էր Թուրքիայի իշխանությունների թույլտվությանը Կարասու նավահանգիստ մուտք գործելու համար, սակայն այն չի ստացել։