Թուրքիայում օդերևութաբանական դիտարկումների պատմության մեջ առաջին անգամ օդի ջերմաստիճանը հասել է +50.0°C-ի։ Այս մասին տեղեկացնում է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը։
«Հուլիսի 25-ին Թուրքիայում սահմանվել է օդերևութաբանական դիտարկումների պատմության մեջ օդի ամենաբարձր ջերմաստիճանը՝ նոր ազգային ռեկորդ։ Սիլոփիի (Շրնաք նահանգ) օդերևութաբանական կայանում ջերմաչափի ցուցմունքը բարձրացել է մինչև +50.0°C»: