Թուրքիայում մեկնարկում է նախագահական և խորհրդարանական ընտրությունների քարոզարշավը

Թուրքիայում այսօր մեկնարկում է նախագահական և խորհրդարանական ընտրությունների քարոզարշավը, այն կտևի մինչև մայիսի 13-ը, այդ օրը կհայտարարվի «լռության օր»՝ հայտնում են թուրքական լրատվամիջոցները:

Թուրքիայի բարձրագույն ընտրական խորհրդի հաստատած օրացույցի համաձայն՝ նախագահի թեկնածուների առաջադրումը կսկսվի մարտի 19-ին և կավարտվի մարտի 23-ին, թեկնածուների ցուցակը կհրապարակվի մարտի 31-ին:

Ընտրություններին մասնակցող քաղաքական կուսակցությունները կամ միությունները պետք է իրենց թեկնածուների ցուցակները ԿԸՀ ներկայացնեն մինչև մարտի 24-ը:

Քվեարկությունը տեղի կունենա մայիսի 14-ին, իսկ անհրաժեշտության դեպքում նախագահական ընտրությունների երկրորդ փուլը կարող է անցկացվել մայիսի 28-ին:

Թուրքիայի գործող նախագահ Էրդողանն իշխող Ժողովրդական դաշինքի նախագահի թեկնածուն է։ Ընդդիմությունից նրա հիմնական մրցակիցը կլինի Ժողովրդա-հանրապետական կուսակցության առաջնորդ Քեմալ Քըլըչդարօղլուն։

Related posts

Մհեր Գրիգորյանին Nokia ընկերության ներկայացուցիչների հետ հանդիպմանը ներկայացվել են 5G ցանցի ենթակառուցվածքների ներդրման ծրագրերը

Անօթևան մնացածները կապահովվեն թե՛ կեցության վայրով, թե պայմաններով. ՏԿԵ նախարարը՝ Ճամբարակում

Դավիթ Առուշանյանը ներկայացրել է Շիրակի մարզի 2024 թվականի բյուջեի կատարողականը