Վրաստանում՝ խորհրդարանի շենքի դիմաց, բողոքի ցույց է սկսվել։ Ռուսթավելի պողոտայում ցուցարարները փակել են ճանապարհը։
Ինչպես հայտնել են վրացական լրատվամիջոցները, ակցիային զուգահեռ Ռուսթավելի պողոտայում՝ Հանրային հեռարձակողի մոտ, տեղի է ունենում հանրահավաք, որտեղից բողոքի ակցիայի մասնակիցները նույնպես երթով կշարժվեն դեպի խորհրդարան։
Ակցիային կմիանան նաև դեղագործները: Նրանք բողոքի երթ կանցկացնեն Ֆիլհարմոնիայից դեպի խորհրդարան։
Շարունակական բողոքի ակցիաների 47-րդ օրը ցուցարարների հիմնական պահանջներն են՝ նոր ընտրություններն ու բողոքի ակցիաների ընթացքում բերման ենթարկվածների անվերապահ ազատ արձակումը։