2016 թվականի ընդունած օրենքով թափառող շներին ոչ թե կրակում են, այլ ստերջացնում, որի պատճառով էլ քաղաքացիները կրկին բողոքում են՝ ոհմակները փողոցները վտանգավոր են դարձնում: «Այսօր» լրատվականը փորձեց լուծումը Գյումրու համայնքապետարանում գտնել, բայց ապարդյուն. այստեղ եւս խնդրին քաջատեղյակ են, իսկ լուծումն իրենք նույնպես փորձում են գտնել ավելի բարձր օղակներում, որտեղից էլ եկել է կենդանիներին մարդկանցից շատ ավելի պաշտպանված դարձնելու օրինագիծը: