Թուրքիայի նախագահ Ռեջեփ Թայիփ Էրդողանը խախտել է Ռուսաստանի նկատմամբ ստանձնած պարտավորությունները, հայտարարել է Պետդումայի փոխխոսնակ Պյոտր Տոլստոյը: Նրա խոսքը մեջբերում է իրանական Tasnim գործակալությունը, որին քաղաքական գործիչը հարցազրույց է տվել։
Ըստ Տոլստոյի՝ «Ռուսաստանի նախագահ Վլադիմիր Պուտինը միշտ կատարել է իր պարտավորությունները Թուրքիայի հանդեպ և հուսով է, որ նույնը կանեն նաև Ռուսաստանի գործընկերները, սակայն Էրդողանը խախտել է իր պարտավորությունները Ռուսաստանի հանդեպ»:
Մեկնաբանելով ՆԱՏՕ-ին Ուկրաինայի անդամակցության վերաբերյալ Թուրքիայի դիրքորոշումը՝ Պետդումայի փոխնախագահն ընդգծել է, որ Ռուսաստանը չի կարող դրականորեն ընդունել դա։
«Վլադիմիր Զելենսկին ինքը կարող է անդամակցել ՆԱՏՕ-ին, բայց առանց Ուկրաինայի»,- հավելել է նա։
Ավելի վաղ Էրդողանը հայտարարել էր, որ Ուկրաինան արժանի է դառնալ ՆԱՏՕ-ի անդամ։