Երևանի փոքր կենտրոնը ժամանակին նախագծվել է որպես ակադեմիական քաղաք: Հիմնական ինստիտուցիոնալ կառույցները, որոնք ժամանակին նախագծել է Թամանյանը և տեղադրել քաղաքի կենտրոնում, դրանք եղել են հենց կրթական և կառավարչական հաստատություններ:
Այսօր Երևանի կենտրոնը Հայաստանի բոլոր իրադարձությունների կիզակետում է՝ տնտեսական, քաղաքական, սոցիալական, իրավական:
Այս մասին ասել է ՀՀ վարչապետ Նիկոլ Փաշինյանը՝ «Ակադեմիական քաղաք» նախագծի կրթական կլաստերի ձևավորման և բովանդակության նկարագիրը ներկայացնելիս:
«Մենք ի՞նչ ենք ուզում, ըստ էության, անել: Մենք ուզում ենք պրոֆեսորադասախոսական կազմի, գիտակրթական ոլորտի, ուսանողների համար այս մեր ընդհանուր «տանը» ստեղծել մի կրթական սենյակ, որտեղ իրենք կարող են կենտրոնանալ իրենց նյութի վրա, և տնտեսական, քաղաքական, սոցիալական աղմուկներն իրենց ուղղակի չխանգարեն»,- ընդգծել է վարչապետը: