Երկամյա դստերը Դեբեդ գետը նետելու մեջ մեղադրվող կինը երկու ամսով կալանավորվել է: Այս մասին «Լուրեր»-ին հայտնել է Քննչական կոմիտեի մամուլի խոսնակ Վարդան Թադևոսյանը:
Հիշեցնենք, որ երեխայի մորը մեղադրանք է առաջադրվել Քրեական օրենսգրքի 34-104-րդ հոդվածի 1-ին մասով, այսինքն՝ սպանության փորձը:
Ապրիլի 25-ին՝ ժամը 17:45-ին, ԱԻՆ հաղորդում էր ստացվել, որ Ալավերդի քաղաքում երկու տարեկան երեխա է ընկել Դեբեդ գետը: Սպանության փորձ կատարելու կասկածանքով Ալավերդի քաղաքի Դեբեդ թաղամասից Թումանյանի բաժին բերման էր ենթարկվել երեխայի մայրը: