Գերմանիայի դաշնային Բավարիա նահանգում գնացքի վթարի հետևանքով զոհվել է չորս մարդ, վիրավորվել՝ 30-ը՝ հայտնում է BBC-ն։
Երկհարկանի գնացքը, որում եղել է մոտ 60 մարդ, դուրս է եկել գծերից, վագոններից մի քանիսը շրջվել են:
Տեղական լրատվամիջոցները հայտնում են, որ գնացքում նաև դպրոցականներ են եղել։ Շրջանը հայտնի վայր է դահուկորդների և արշավների սիրահարների համար:
Տեղում իրականացվում են լայնածավալ փրկարարական աշխատանքներ, դադարեցվել է երկաթուղային երթևեկությունը։ Գործողությանը ներգրավվել են ուղղաթիռներ, այդ թվում՝ Ավստրիայից:
Վթարի պատճառը առայժմ հայտնի չէ։