Ախուրյանի եղբայրական այս պանթեոնի մի շարքում Շուշին ազատագրածներն են, մյուսում՝ Շուշիի կորուստը երբեք չտեսածները: Ախուրյանցի Մանուկ Թորոսյանը ընդամենը երկու ամսվա ծառայող էր, երբ պատերազմը սկսվեց: Մայիսի 9-ին էր ծնվել` հաղթանակների օրը: Այսօր ծնողները հաղթել սիրող որդու շիրիմին ծննդյան տորթն են բերել: Մանուկ Սոսի Թորոսյանն իր երիտասարդ կյանքը նվիրեց հայրենիքին: Կիսատ մնացին թե՛ Մանուկի, թե՛ ծնողների ամենանվիրական երազանքները, որովհետեւ Մանուկը վստահ էր՝ հայրենիքը թանկ է ամեն բանից: