Եվրոպան ավելի արդյունավետ կապեր է կառուցում Կենտրոնական Ասիայի հետ՝ Ադրբեջանի, Հայաստանի և Թուրքիայի միջոցով` հայտարարել է ընդլայնման հարցերով եվրահանձնակատար Մարթա Կոսը: Նրա խոսքով՝ տարածաշրջանում ԵՄ քաղաքականության առանցքային տարրերից մեկը տրանսպորտային և տնտեսական կապի զարգացումն է:
«Միասին մենք ցանկանում ենք զարգացնել նոր տրանսպորտային, էներգետիկ և թվային ուղիներ Հարավային Կովկասում։ Այս կապերը կարող են ավելի սերտորեն կապել Եվրոպան Կենտրոնական Ասիայի հետ՝ նվազեցնելով ռազմավարական կախվածությունը։ Հյուսիսում և հարավում մոլեգնող պատերազմի պայմաններում, Թուրքիայի և Հարավային Կովկասի միջով ի հայտ եկող առևտրային ուղիները կարևոր նշանակություն են ձեռք բերել»,- նշել է Կոսը։
Եվրահանձնակատարը հավելել է, որ ԵՄ նիստում կքննարկվեն հարաբերությունները Հարավային Կովկասի երկրների, ինչպես նաև Թուրքիայի հետ: