ԵՄ-ն 3 մլն եվրո է հատկացրել ԼՂ-ում հակամարտության հետևանքով տուժած բնակչությանը

Եվրամիությունը արտակարգ օգնություն ցուցաբերելու համար 3 մլն եվրո է հատկացրել ԼՂ-ում հակամարտության հետևանքով տուժած բնակչությանը: Այս մասին ասված է Եվրահանձնաժողովի հայտարարության մեջ, փոխանցում է ՏԱՍՍ գործակալությունը։

«Եվրահանձնաժողովը Լեռնային Ղարաբաղում հակամարտության հետևանքով առավել տուժած քաղաքացիական անձանց կենսական անհրաժեշտ օգնություն ցույց տալու համար հայտարարել է մարդասիրական աջակցության համար լրացուցիչ 3 մլն եվրո հատկացնելու մասին»,- ասված է հայտարարության մեջ։

Նշվում է նաև, որ այդ ֆինանսավորումը կատարվում է ի հավելումն հոկտեմբերի սկզբից տրամադրված 900 հազար եվրոյի։

Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որի համաձայն՝ ռուս խաղաղապահ ուժեր են տեղափոխվել ԼՂ:

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում