ԵԽԽՎ նախագահը Թուրքիային կոչ է արել՝ անհապաղ ազատ արձակելու Օսման Քավալային

ԵԽԽՎ նախագահ Թինի Քոքսը խոր հիասթափություն է հայտնել Ստամբուլի դատարանի կողմից հասարակական գործիչ, իրավապաշտպան Օսման Քավալային առանց ներման իրավունքի ցմահ ազատազրկման դատապարտելու վերաբերյալ որոշման կապակցությամբ:

«Այն փաստը, որ նա մոտ հինգ տարի անցկացրել է նախնական կալանքի տակ և այժմ ցմահ ազատազրկման է դատապարտվել Մարդու իրավունքների եվրոպական կոնվենցիան խախտող ճանաչված դատավարության արդյունքում, ցնցող է»,- նշել է Քոքսը:

Նա հիշեցրել է, որ Օսման Քավալայի գործով Ստրասբուրգի դատարանի որոշումը չկատարելը ԵԽ Նախարարների կոմիտեին ստիպեց գործը փոխանցել ՄԻԵԴ։ ԵԽԽՎ նախագահի խոսքով՝ Քավալան պետք է անհապաղ ազատ արձակվի:

Քոքսը Թուրքիայի իշխանություններին կոչ է արել՝ վերանայելու երկրում ժողովրդավարական ինստիտուտների գործունեության, մարդու հիմնարար իրավունքների և ազատությունների, օրենքի գերակայության հետ կապված իրավիճակը:

Related posts

ՀԷՑ-ը դառնալու է ՀՀ ու մեր քաղաքացիների սեփականությունը, իսկ ձեր գիտաֆանտաստիկ հերթական զառանցանքը հօդս է ցնդելու․ ՏԿԵ նախարար

«Փաստերը վկայում են, որ քաղաքական որոշակի ուղղորդմամբ և ճնշման ներքո դատարանի կայացրած որոշումն անհիմն է և ապօրինի»․ Մայր Աթոռ

Հաշտարարությունը հուլիսի 1-ից պարտադիր է.Դավիթ Ղարիբյան