Դա Հայաստանի սուվերեն իրավունքն է․ այպես է Կրեմլի խոսնակ Դմիտրի Պեսկովը մեկնաբանել ՀՀ ԱԺ-ի՝ ԵՄ-ին անդամակցելու գործընթաց սկսելու մասին նախագիծը առաջին ընթերցմամբ ընդունելու փաստը։
«Իհարկե, հարկավոր է, որ իրենք հայերը և մնացած բոլորը հասկանան, թե դա որքանով է փոխադարձ ցանկություն, ինչպես են դրան վերաբերվում եվրոպացիները։ Ինչպես երևում է, Հայաստանում կան քաղաքական գործիչներ, որոնք կարծում են, որ դեպի ԵՄ կողմնորոշումը հավելյալ դիվիդենտներ կտա երկրի և ժողովրդի շահերի առումով՝ հստակություն չունենալով, թե արդյոք Եվրամիությունը հետաքրքրված է դրանով»,- ասել է Կրեմլի խոսնակը։