Գյումրու բռնցքամարտի մանկապատանեկան մարզադպրոցում անցկացվեցին ստուգողական մենամարտեր, որոնք ավանդական բնույթ են կրում Հայաստանի առաջնությունների նախաշեմին: Քանի որ հաջորդ տարվա հունվարին է կայանալու հանրապետության պաշտոնական առաջնությունը, նման փորձամենամարտերը մեծ արժեք են ձեռք բերում՝ բացահայտելով մասնակիցների իրական հնարավորությունները: Երևանից ժամանել էր տասը բռնցքամարտիկներից բաղկացած թիմը Հայաստանի վաստակավոր մարզիչ, ՌՈԲԻ բռնցքամարտի ակումբի եւ Դինամո մարզական կազմակերպության մարզիչ Վլադիմիր Մարգարյանի գլխավորությամբ: