Գլոբալ ինովացիոն համաժողովն այս տարի կրել է «Կյանքը վերափոխող տեխնոլոգիաներ» խորագիրը

ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը մասնակցել է Գլոբալ ինովացիոն 4-րդ համաժողովին: Այս մասին հայտնում են ԲՏԱ նախարարությունից:

«Նորարարական Հայաստանը ձևավորվում է» պանելային քննարկման ընթացքում Գևորգ Մանթաշյանն անդրադարձել է Հայաստանի նորարարական համարձակ օրակարգին, այս ուղղությամբ աշխարհում կիրառվող լավագույն փորձին և օրինակներին:

Քննարկման բանախոսները բովանդակալից երկխոսություն են ունեցել Հայաստանում արհեստական բանականության ոլորտում մրցունակ միջավայր ստեղծելու ուղղությամբ և այս ոլորտում աշխարհի լավագույն հնգյակում Հայաստանը դիրքավորելու համար հանրային քաղաքականության ծրագրերի վերաբերյալ։

Գլոբալ ինովացիոն 4-րդ համաժողովը Երևանում անցկացվել է հոկտեմբերի 5-6-ը: Միջոցառման կազմակերպիչը Հայաստանի գիտության և տեխնոլոգիաների հիմնադրամն (FAST) է։ Ամենամյա խոշոր այս միջոցառումն իրականացվել է ՀՀ Կառավարության բարձր հովանու ներքո։

Այս տարի համաժողովը տեղի է ունեցել «Կյանքը վերափոխող տեխնոլոգիաներ» խորագրի ներքո:

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում