Բելառուսն ու Չինաստանը համատեղ հակաահաբեկչական զորավարժություն կանցկացնեն։ Բելառուսի պաշտպանության նախարարության մամուլի ծառայությունից հայտնել են, որ դրանք տեղի կունենան հուլիսի 8-19-ը։
«Բելառուսի Հանրապետություն են ժամանել Չինաստանի Ժողովրդական ազատագրական բանակի զինծառայողները։ Նրանք կմասնակցեն համատեղ հակաահաբեկչական վարժանքին»,- հստակեցրել են Բելառուսի ռազմական գերատեսչությունից։
Համատեղ վարժանքի նպատակներն են փորձի փոխանակումը, զորքերի համատեղ պատրաստման ոլորտում երկու երկրների հարաբերությունների հետագա զարգացման համար հիմքերի ստեղծումը: