Բելառուսը ժամանակավոր հսկողություն է սահմանել Ռուսաստանի հետ սահմանին՝ վիզաների փոխադարձ ճանաչման մասին երկկողմ համաձայնագրի շրջանակում: Այդ մասին ТАСС գործակալությանը հայտնել են հանրապետության պետական սահմանային կոմիտեից։
Կառույցից մանրամասնել են, որ ուղղակի ստուգումներ են անցկացվում, սահմանին հերթեր չեն նկատվում: Նշվում է, որ նախկինում Բելառուսի սահմանապահ ծառայությունները ռուս-բելառուսական սահմանին հսկողություն չեն իրականացրել։
Միևնույն ժամանակ, մի շարք լրատվամիջոցներ գրում են, որ Ռուսաստանից Բելառուս սահմանային անցակետերում հերթեր են գոյացել, սահմանապահները ստուգում են, մասնավորապես, Ռուսաստանի քաղաքացիների անձնագրերը: